اسقاط حمل)

(اسقاط حمل)
اسقاط... طبعی وقت سے پہلے جنین یعنی بچے کا رحم سے خارج ہوجانا یعنی ضائع ہوجانا اسقاط کہلاتا ہے اکثر ابتدائی تین ماہ اور آخری تین ماہ میں ہوتا ہے .

اساب ..
کثرت جماع .جسمانی کمزوری .کسی چوٹ سے خون کا زیادہ ضائع ہوجانا .متواتر فاقہ کشی .کثرت غم .اسہال ہیضہ پیچس کی زیادتی.رحم کا کمزور ہونا.رحم کا سخت ہونا .آتشک و سوزاک.سیلان رحم .رحم کی ساخت میں چربی کی زیادتی وغیرہ.

علامات ..
اسقاط سے پہلے حاملہ کی طبیت سست ہوتی ہے اعضاء شکنی ہوتی ہے پشت خاصر اور پیڑو میں گرانی محسوس ہوتی ہے اس کے بعد درد شروع ہوتا ہے رحم سے سیلان خون شروع ہوجاتا ہے پستان کی سختی زائل ہوجاتی ہے اور اس کا حجم گھٹ جاتا ہے آنکھوں کے سامنے اندھیرا آتا ہے .

اسقاط کا روکنا..
اگر اسقاط کی علامات شروع ہوجائیں تو اسے روکنے کے لیے یہ نسخہ دیا جائے .
گیرو .سنگجراحت اور دم الاخوین ہر ایک ایک ماشہ باریک پیس کر مربہ آملہ ایک تولہ ملاکر پہلے کھلائیں اس کے بعد یہ سفوف بناکر تین تین گھنٹے بعد ایک ایک ماشہ دو دن کھلائیں گائے کے دودھ کے ساتھ کھلائیں .
سنگجراحت نو ماشہ .طباشیر دو ماشہ .دانہ الائچی خورد تین ماشہ .شکر سفید دس ماشہ سفوف بنائیں .

شافہ..
مازو .گلنار.کزمازج .اقاقیا.پوست انار .ہر ایک دو ماشہ پانی میں پیس کر چھان لیں اور کپڑا بھگو کر بار بار رکھیں .
گل ملتانی کو پانی میں حل کرکے مقام مزکورہ پر ضماد کریں .

جس کے بچے پیٹ میں ضائع ہوتے ہیں اس کو حمل لینے سے پہلے یہ تدابیر کرنا چاہیے..
۱..خون پورا ہو تو حمل لیں خون کی کمی کی صورت میں ہرگز نہ لیں .
۲..پریشانی نہ لے غم اور غصہ نہ کرے ..
۳..فاقہ کشی یعنی زیادہ دیر پیٹ کو کھانے سے خالی نہ رکھے.
۴..کثرت جماع نہ کرے.
۵..وزنی کام نہ کرے.

حمل ہونے کے بعد یہ نسخہ استعمال کریں.
یہ نسخہ حمل ہوتے ہی شروع کردے ..
نسخہ.
ھوالشافی..
ورق سونا ایک ماشہ
زعفران پانچ ماشہ
برادہ دندان فیل ایک تولہ
موتی مروارید ایک تولہ
گوند کیکر ایک تولہ

ترکیب تیاری..
گوند کیکر کے علاوہ تمام اشیاء کو عرق گلاب ایک پائو میں رگڑائی کریں جب عرق جزب ہوجائے تو آخر میں گوند کیکر کا سفوف ملاکر گولی مصر برابر تیار کریں ..

استعمال ..
ایک گولی صبع خالی پیٹ دودھ سے استعمال کریں پہلے ماہ سے سات ماہ تک استعمال کریں ..

اگر کوئی غریب ہے تو وہ یہ نسخہ استعمال کرلے.
نسخہ..
اجوائن دیسی پانچ تولہ
کالی مرچ پانچ تولہ
دونوں کو سفوف کرلیں.
دو رتی صبع خالی پیٹ پانی سے استعمال کریں ..

پرہیز..
حمل کے دوران تلی ہوئی اشیاء .زیادہ گرم مزاج اشیاء اور فاسٹ فوڈ استعمال نہ کریں
پھل اور دودھ کا استعمال زیادہ کریں.
نوٹ..
اگر سوزاکی مادہ کی وجہ سے حمل زائع ہوتا ہے تو حمل سے پہلے میاں بیوی کسی مستند طبیب سے اپنا علاج کروائیں.